អ្នកចាត់ការ Jose Mourinho បានសម្រេចលុបគណនី Instagram ផ្ទាល់ខ្លួនរបស់លោកចោល ក្រោយពីមានការគំរាមកំហែងមួយ បន្ទាប់ពីដឹកនាំក្រុមចាញ់ Chelsea នៅពានរង្វាន់ FA Cup កាលពីសប្តាហ៍មុន។
ក្រុមបិសាចក្រហមបានបរាជ័យមិនអាចលើកពានរង្វាន់ FA Cup ជាលើកទី១៣ របស់ខ្លួនបាន ក្រោយពីចាញ់ Chelsea ១ទល់នឹង០ កាលពីថៃ្ងសៅរ៍ កន្លងទៅ ដែលធើ្វឲ្យអ្នកចាត់ការសញ្ជាតិព័រទុយហ្គាល់ ត្រូវបានជនមិនស្គាល់មុខ ធើ្វការគំរាមកំហែងលោក និងក្រុមគ្រួសារតាមរយៈបណ្តាញសង្គមនេះតែម្តង។
ក្រោយពីជួបរឿងបែបនេះ គ្រូបង្វឹកសញ្ជាតិព័រទុយហ្គាល់ បានសម្រេចលុបចោលនូវគណនី Instagram របស់លោក ដែលមានអ្នកចុច follow ដល់ទៅជាង ២.៨លាននាក់ ដើម្បីការពារសុវត្ថិភាពរបស់ខ្លួននិងក្រុមគ្រួសារ។
សូមបញ្ជាក់ថា លោក Mourinho ទើបតែចាប់ផ្ដើមបង្កើតគណនេយ្យសង្គម Instagram ប៉ុណ្ណោះ ពោលគឺនៅពេលដែលរូបលោកចាប់ផ្ដើមចូលបង្វឹក Man UTD កាលពីឆ្នាំ២០១៦៕
