ក្លឹបសេះបង្កង់ Juventus បានបដិសេធឱកាសក្នុងការចុះកុងត្រាយកខ្សែបម្រើ Manchester United កីឡាករ Marouane Fellaini នេះបើតាមប្រភព Calciomercato.com។
ខ្សែបម្រើជម្រើសជាតិបែលហ្សិកបានផុតកុងត្រាជាមួយបិសាចក្រហមទៅហើយនៅចប់រដូវកាលនេះហើយថ្មីៗនេះគាត់ក៏មានទំនាក់ទំនងផ្ទេរចេញទៅលេងនៅក្លឹបជាច្រើន ពិសេសមួយរយៈចុងក្រោយនេះរូបគេជាប់ទាក់ទងទៅលេងនៅក្លឹបគូប្រជែង Liverpool។
តែយ៉ាងណាក្ដី! មុនពេលLiverpool មានទំនាក់ទំនងជាមួយកីឡាករសក់សំពោងរូបនេះបានមានទំនាក់ទំនង ផ្ទេរទៅលេងនៅអ៊ីតាលីហើយក្លឹបដែលចង់បានគឺសេះបង្កង់ Juventus ។ ការចង់បាន Fellaini ដោយសារតែពួកគេ មិនអាចនាំយក Emre Can ពី Liverpool បាន។
តែយ៉ាងណា! ក្រុមដែលទើបធ្លាក់ចេញពីChampions League ថ្មីៗនេះដោយសារដៃReal Madrid បានបដិសេធថាមិនដែលចាប់អារម្មណ៍ផងហ្នឹង៕
