គ្រូបង្វឹក Liverpool លោក Jurgen Klopp បាននិយាយពីភាពភ្ញាក់ផ្អើលពីការធ្លាក់ចេញពី Champions League វគ្គ៨ក្រុមចុងក្រោយក្រោមស្នាដៃ Roma ។
ក្រុមរបស់គាត់បានឡើងទៅវគ្គ៤ក្រុមចុងក្រោយហើយក្រោយពេលឈ្នះ Man City សរុបគ្រាប់បាល់ទាំងពីរជើង៥ទល់១នៅវគ្គ៨ក្រុមចុងក្រោយ ខណៈដែលការប្រកួតពានលំដាប់អឺរ៉ុបនេះបានបង្ហាញការភ្ញាក់ផ្អើល។
សម្រាប់ Barcelona ទោះបីជាកាលជើងទីមួយបានប្រកួតឈ្នះ Roma ដល់ទៅ៤ទល់១នៅផ្ទះខ្លួនឯងក៏ដោយប៉ុន្តែពេលប្រកួតនៅទឹកដីអ៊ីតាលីវិញភ្លាត់ចាញ់៣ទល់០ដែលធ្វើឲ្យឱកាសលើកពានបីក្នុងមួយរដូវកាលត្រូវចប់។ តាមសមត្ថភាពរបស់ Barca ធ្វើឲ្យលោក Klopp មិនចង់ជឿនោះទេ។
“ ពេលពួកគេប្រាប់ខ្ញុំពី Barcelona ខ្ញុំគិតថាវាជារឿងកំប្លែង។នេះមិនមែនខ្ញុំមិនគោរព Roma នោះទេ ពួកគេជាក្រុមដ៏អស្ចារ្យមួយ។ រៀងតែមួយដែលខ្ញុំមិនរំពឹងទុក ប៉ុន្តែពួកគេដឹងថាអាចធ្វើបាន”។
មែនទែនទៅ! Mohamed Salah ធ្លាប់លេងនៅRoma មុនពេលផ្ទេរមក Liverpool ហើយ Klopp បានសង្កត់ធ្ងន់ថា៖” ពួកគេបាត់បង់ Salah ហើយពេលនេះពួកគេបានឡើងមកវគ្គ៤ក្រុមចុងក្រោយ”៕
