លោក Jose Mourinho ត្រូវបានគេរាយការណ៍ថា បានប្រាប់ Manchester United អន្ទងយក Isco ពី Real Madrid ដើម្បីធ្វើយ៉ាងណាកុំឲ្យបានទៅលេងនៅ Manchester City ដែលមានព័ត៌មានថាចង់បានដែរនោះ។
ក្លឹបមានមូលដ្ឋាននៅទីក្រុង Manchester ទាំងពីរត្រូវបានគេដឹងថាកំពុងសម្លឹងមើលជើង Isco ខណៈដែលកីឡាករអេស្ប៉ាញខាងលើមិនសូវមានឱកាសបានលេងពេញលេញនៅឆ្នាំ២០១៨នេះ ក្រោយ Gareth Bale ជាពីរបួសវិញ។ អនាគតរបស់កីឡាករវ័យ២៥ឆ្នាំកំពុងស្ថិតក្នុងមន្ទិលមិនច្បាស់លាស់នោះទេ។
ទោះបីមួយរយៈកាលចុងក្រោយនេះ ត្រូវបានគេចាត់ទុកជាកីឡាករល្អក្នុងចំណោមកីឡាករល្អបំផុតក្នុងពិភពលោក ការមិនបានចូលលេងពេញលេញគឺជាបញ្ហាចំពោះរូបគេហើយ។ លោក Zidane បានកំណត់ពេលវេលាលេងចំពោះអតីតកីឡាករ Malaga ទោះបីជារូបគេមានប្រជាប្រិយភាពចំពោះអ្នកគាំទ្រក៏ដោយ។
ជាលទ្ធផលការផ្ទេរទៅលេងនៅ Premier League អាចសាកសមជានេះ។ ប្រភពកាសែត Don Balon បាននិយាយថាManchester United និង City ចង់បាន Isco ឲ្យចាកចេញពី Bernabeu ខណៈមេឃខៀវជាក្លឹបនាំមុខគេ ដែលប្រជែងក្នុងរឿងនេះ។ Pep បានដឹងថាការបន្ថែមខ្សែបម្រើពូកែបង្កើតឱកាសក្នុងតំបន់ប្រយុទ្ធគឺជារឿងប្រសើរទោះបីជាមាន David Silva, Kevin De Bruyne និង Bernardo Silva នៅក្នុងក្រុមជាស្រេចក៏ដោយ។
Isco នឹងលេងក្នុងតួនាទីនេះបានល្អបំផុត ដូចដែលអ្វីរូបគេបានលេងនៅ Real Madrid ដូចគ្នា។ អញ្ចឹងក៏ដោយ United ក្លាយថា Isco ផ្ទេរទៅលេងនៅ Etihad Stadium។ ហើយលោក Jose ត្រូវបានគេរាយការណ៍ថា បានប្រាប់ទៅថ្នាក់ដឹកនាំក្លឹបឲ្យធ្វើយ៉ាងល្អចុះកុងត្រាយក Isco ឲ្យបាន។ ការយកឲ្យបានពេលចប់រដូវកាលនេះ គឺជាអាទិភាពបំផុត៕
