អតីតខ្សែបម្រើ Barcelona កីឡាករ Xavi បាននិយាយថា Ronaldo និង Messi គឺជាកីឡាករល្អជាងគេលើលោក តែ Messi មិនអាចយកនរណាមកប្រៀបធៀបបានទេខណៈ Ronaldo មានចំណុចមួយល្អជាងកីឡាករអាហ្សង់ទីន។
ក្នុងបទសម្ភាសន៍មួយរបស់កាសែត Marca អតីតកីឡាករជម្រើសជាតិអេស្ប៉ាញបាននិយាយដូច្នេះ៖” Ronaldo គឺជាកីឡាករល្អបំផុតខាងទាត់បញ្ចូលទី។ ការសម្រេចទីរបស់គាត់ពិតជាអស្ចារ្យត្រង់ចំណុចនេះ ហើយគាត់ជាកីឡាករល្អរហូតក្នុងប្រវត្តិសាស្ត្រ។“។
“ប៉ុន្តែ Messi អ្នកមិនអាចយកប្រៀបធៀបបានទេ។ Messi គឺជាកីឡាករកំពូល។ គាត់ធ្វើគ្រប់យ៉ាងពិតជាល្អប្រសិនបើគ្រូបង្វឹកនិយាយថាពួកយើងទាំងអស់គ្នាចុះបិទខាងក្រោយ Messi គឺជាកីឡាករល្អបំផុតនូវចំណុចនេះ ប្រសិនបើអ្នកស្នើសុំឲ្យ Ronaldo លេងមួយប៉ះពីប៉ះខ្ញុំមិនដឹងថា គាត់ធ្វើបានល្អដែរអត់?”។
បន្ទាប់ពីឈ្នះពាន Ballon d’Or ទី៤កាលពីរដូវកាលមុនខិតជិតតាមទាន់ Messi (៥ក្នុងដៃ) អតីតកីឡាករ Man Utd កំពុងមានភាគរយខ្ពស់ក្នុងឈ្នះពាននៅខឺមករាខាងមុខក្រោយជួយក្លឹបឈ្នះពាន La liga និង Champions League រដូវកាលមុន៕
