ក្រុម Real Madrid បានឡើងទៅវគ្គ៨ក្រុមចុងក្រោយហើយក្រោយពេលប្រកួតឈ្នះក្រុមខ្លាំង PSG ជើងទី២វគ្គ១៦ក្រុមចុងក្រោយ២ទល់១សរុបគ្រាប់បាល់ទាំង២ជើង៥-២។
និយាយពីការប្រកួតយប់មិញវិញក្រុមទាំងពីរមិនអាចបំបែកពងមាន់បាននោះទេខណៈដែលBenzema មានឱកាសច្រើនជាងគេតែមិនអាចសម្រេចទីបានដូចចិត្ត។ ចូលវគ្គទី២ Ronaldo បានអុកមួយក្បាលយ៉ាងខ្លាំងទម្លុះដៃអ្នកចាំទីPSG ឲ្យReal Madrid នាំមុខមុនមួយគ្រាប់នៅនាទី៥១។
ប៉ុន្មានទីក្រោយមកខ្សែបម្រើ Marco Verratti ទទួលបានកាតក្រហមក្រោយបានលឿង២ដង។ ទោះបីមានគ្នាតែ១០នាក់ការវាយសម្រុកខ្លាំងបានសម្រេចមួយគ្រាប់វិញដោយខ្សែប្រយុទ្ធ Edenson Cavani នាទី៧១។ គ្រាប់បាល់ស្មើនេះរក្សាមិនបានយូរទេ ខ្សែបម្រើកណ្ដាល Casemiroរកបានគ្រាប់បាល់ជ័យជម្នះនៅនាទី៨០ឲ្យ Real Madrid ឡើងវគ្គ៨ក្រុមយ៉ាងរំភើយតែម្ដង។
ចំណែកមួយគូរទៀតម្ចាស់ផ្ទះ Liverpool បានរក្សាលទ្ធផល៩០នាទីដោយពងមាន់មួយគ្រាប់ម្នាក់ជាមួយក្រុមភ្ញៀវ Porto ហើយការប្រកួតនេះ ហង្សក្រហមបានឡើងទៅវគ្គ៨ក្រុមចុងក្រោយជាមួុយ Real Madrid ដោយសរុបគ្រាប់បាល់ទាំងពីរជើង៥-០ ៕
[youtube id=”_CO3PUmJmEk”]
