លោក Suzuki Daichi គ្រូបង្វឹកអ្នកចាំទីជប៉ុនជឿជាក់ថាអ្នកចាំទីវ័យក្មេងនៅព្រុយណេត្រូវការការហ្វឹកហ្វឺនបន្ថែមទៀត។

អតីតគ្រូបង្វឹកអ្នកចាំទីនៅក្លិបនៃលីគទិ២ជប៉ុន J-League 2 ក្លិប Thespakusatsu Gunma និងក្រុមជម្រើសជាតិស្ត្រីចិនតៃប៉ិ បាននិយាយថាទោះបីអ្នកចាំទីវ័យក្មេង២០នាក់ដែលបានចូលរួមក្នុងវគ្គបណ្តុះបណ្តាល នាទីលានស្មៅសិប្បនិម្មិត នៃស្នាក់ការសហព័ន្ធកីឡាបាល់ទាត់ព្រុយណេ ( NFABD ) បានដើរត្រឹមត្រូវ ហើយពួកគេអាចបង្កើនល្បឿនលឿនប្រសិនបើពួកគេហ្វឹកហាត់បានល្អ។

«ពួកគេមួយចំនួនមិនមានទីតាំងនិងពេលវេលាត្រឹមត្រូវទេ។ ពួកគេអាចនឹងប្រសើរឡើង ប្រសិនបើពួកគេមានវគ្គបណ្តុះបណ្តាលច្រើនជាងមុន»។ លោក Suzuki Daichi បន្ថែម។

«អ្វីដែលខ្ញុំចង់មានន័យគឺថា «វគ្គហ្វឹកហាត់កម្រិតការប្រកួត» គឺវគ្គហ្វឹកហាត់ ១១ទល់១១ វគ្គដែលអ្នកចាំទីលេងនៅក្នុងការប្រកួតជាមួយក្រុម ដែលមិនត្រឹមតែហ្វឹកហាត់ដោយខ្លួនឯងនោះទេ»។ Suxuki បន្ត។

ចាប់ពីអាយុ១០ ទៅ១៦ឆ្នាំ អ្នកចាំទីវ័យក្មេង៧នាក់គឺមកពី ក្រុមអភិវឌ្ឍន៍មូលដ្ឋាន ឈ្មោះថា Projek Ikan Pusu (PIP) ។

៥ នាក់មកពីក្រុមអភិវឌ្ឍន៍យុវជនរបស់សហព័ន្ធ NFABD, ៣នាក់មកពីក្រុម Bang Dalam FC , ២ នាក់មកពីសាលាបឋមសិក្សា Panaga និងអ្នកផ្សេងទៀតមកពីក្រុមសហគមន៍។

លើសពីនេះទៅទៀតគ្រូបង្វឹកចំនួន១៣រូប បានជួយ លោក Suzuki Daichi ជាមួយនឹងការហ្វឹកហាត់នេះ។

ប្រធានក្រុម PIP លោក Hj Omar Hj Jamil បាននិយាយថា៖ «តាំងនាមឱ្យ PIP ខ្ញុំសូមអរគុណដល់ NFABD ដែលបានផ្តល់ឱ្យអ្នកចាំទីរបស់យើង និងគ្រូបង្វឹកនូវឱកាសដ៏មានតម្លៃនេះដើម្បីរៀន និងទទួលបានអត្ថប្រយោជន៍ពីអ្នកជំនាញ និងបទពិសោធន៍ពីគ្រូបង្វឹកអ្នកចាំទីជប៉ុនដ៏ឆ្នើមនេះ»។

លោកបន្តថា «យើងផ្តល់តម្លៃដល់ឱកាសនេះ ដើម្បីធ្វើឱ្យពួកគេចេះកែលម្អខ្លួនឯង។ ការរៀនសូត្រគឺជាដំណើរការមួយដ៏យូរអង្វែងហើយ PIP នឹងតែងតែយកឱកាសទាំងអស់ដើម្បីកែលម្អ និងរីកចម្រើនសម្រាប់វិស័យកីឡាបាល់ទាត់ព្រុយណេ»៕

រូបភាព: aseanfootball