ខ្សែប្រយុទ្ធក្លឹប Everton កីឡាករ Wayne Rooney ត្រូវបានប៉ូលិសឃាត់ខ្លួនពីបទបើកយានយន្តទាំងអាការៈស្រវឹងស្រានេះបើតាមរបាយការណ៍ពី BBC និង Skysport កាលពីប៉ុន្មានម៉ោងមុននេះ។
BBC បាននិយាយថាអតីតខ្សែប្រយុទ្ធបិសាចក្រហម ត្រូវបានប៉ូលិសឃាត់ខ្លួននៅជិតផ្ទះរបស់គេក្នុងសង្កាត់ Chesheir ភាគឦសាន្តប្រទេសអង់គ្លេសកាលពីយប់ថ្ងៃព្រហស្សត្ត៍ វេលាម៉ោង១០យប់នៅអង់គ្លេស។ លើសពីនេះគេក៏ឃើញ Rooney ផុសរូប Selfie ជាមួយកីឡាករវាយកូនបាល់ Cricket លោក Jack McIver ក្នុងបារមួយកន្លែងក្នុងតំបន់ Alderlay ផងដែរ។
Rooney គឺជាកីឡាកររកគ្រាប់បាល់បានច្រើនជាងគេ ក្នុងជម្រើសជាតិអង់គ្លេស ដោយទើបតែប្រកាសចូលនិវត្តន៍កាលពីសប្ដាហ៍មុន ដោយរកបាន៥៣គ្រាប់ក្នុងការចូលលេង១១៩ប្រកួត។៕
