លោក Jurgen Klopp ជឿថា Liverpool នឹងមិនមានស្ថានភាពដូចជា Barcelona នោះទេដោយក្រុមរបស់លោកនឹងរក្សាកៅអីនៅវគ្គផ្ដាច់ព្រ័ត្របានទោះបីជាក្រុមរបស់លោករបូតគ្រាប់បាល់២គ្រាប់ចុងម៉ោងក្រោយប្ដូរ Salah ចេញ។
ទម្រង់លេងដ៏ល្អដល់កម្រិតកំពូលរបស់ Mo Salah បានស៊ុតបញ្ចូលទី២គ្រាប់និងបញ្ជូនបាល់បាន២គ្រាប់ទៀតឲ្យLiverpool នាំមុខ៥ទល់០មុនពេលរូបគេត្រូវប្ដូរចេញឲ្យសម្រាកហើយក្រុមបែរជារបូតគ្រាប់បាល់២គ្រាប់ទៅវិញ។
ក្នុងស្ថានភាពនេះលោក Jurgen Klopp បាននិយាយថា៖”ខ្ញុំទទួលបានមេរៀននៅយប់នេះថាយើងនៅតែអាចឈ្នះពេលទៅលេងនៅទីក្រុងរ៉ូម។ ពួកគេត្រូវការរកគ្រាប់បាល់បញ្ចូលទីទល់នឹងពួកយើង”។
“ យើងមិនមែនជា Barcelonaនោះទេ។ ពួកគេជាក្រុមមួយក្នុងចំណោម២ឬ៣ដែលខ្លាំងបំផុតក្នុងពិភពលោកនៅពេលនេះហើយពួកគេធ្លាប់ឈ្នះពានជាច្រើនមកហើយ ឯយើងមិនទាន់បានពានអីមួយទេ។យើងនឹងប្រយុទ្ធទាំងអស់នូវអ្វីដែលយើងមាន។ វាជាការប្រកួតដ៏ធំមួយ យើងត្រូវតែត្រៀមខ្លួនឲ្យហើយទើបបាន”៕
