សហព័ន្ធបាល់ទាត់កូរ៉េខាងត្បូង បានតែងតាំងបុរសមានតួនាទីជាអនុប្រធានសហព័ន្ធលោក​  Kim Ho-gon  នៅតំណែងថ្មីមួួយទៀតជានាយកបច្ចេកទេសបាល់ទាត់។

មានវ័យត្រឹម៦៦ឆ្នាំរូបនេះបានចូលមកកាន់តំណែងជំនួសលោក Lee Yong-soo កាលពីថ្ងៃទី ១៥​ ខែ​ មិថុនា​កន្លងទៅដំណាលគ្នាជាមួយគ្រូបង្វឹកសញ្ជាតិអាល្លឺម៉ង់ លោក Uli Stielike ដែលត្រូវបានបញ្ឈប់តំណែងពីគ្រូបង្វឹកក្រុមជម្រើសជាតិកូរ៉េខាងត្បូង។

ការងារដំបូងរបស់​ Kim នឹងត្រូវដឹកនាំក្រុមជម្រើសជាតិប្រកួតតតាំងជាមួយការប្រកួត២លើកនៅសល់ក្នុងវគ្គជម្រុះ​ FIFA World Cup 2018  បន្ទាប់ពីពូល​A អុីរ៉ង់ បានកក់កៅអីរួចស្រេចសម្រាប់លេងវគ្គចែកពូលនៅរូស្សុី។ រីឯកូរ៉េខាងត្បង នឹងប្រកួតជាមួយអុីរ៉ង់ នៅថ្ងៃទី ៣១ ខែ​ សីហា ៥ថ្ងៃបន្ទាប់ជួប អ៊ូសបេគីស្ថាន ដើម្បីធ្វើយ៉ាងណាអាចមានកៅអីលេងពានរង្វាន់FIFA World Cup ៩លើកជាប់គ្នា។ បញ្ជាក់ក្រុមលំដាប់កំពូល២នៅក្នុងពូលមានឱកាសទៅវគ្គចែកពូលនៅរួហ្សុីចំណែកលេខ៣នឹងធ្វើការប្រកួតជាមួយលេខ៣មកពីពូលមួយផ្សេងទៀតអ្នកឈ្នះនឹងត្រូវជួបក្រុមចំណាត់ថ្នាក់លេខ៦មកពីទ្វីបអាមេរិកកណ្តាល ដើម្បីប្រកួតជម្រុះចុងក្រោយរកកៅអីលេងវគ្គចែកពូល។