ក្លឹប Kitchee របស់ហុងកុង នឹងមានកីឡាករល្បីម្នាក់លំដាប់ពិភពលោកក្នុងតំបន់ប្រយុទ្ធរបស់ខ្លួនសម្រាប់ការប្រកួ AFC Champions League បន្ទាប់ពីប្រកាសចុះកុងត្រាយកកីឡាករសញ្ជាតិអ៊ុយរូហ្គាយ Diego Forlan។
Forlan ដែលជាម្ចាស់ស្បែកជើងមាស La liga ៣សម័យកាលត្រូវបានគេដឹងថា មានឈ្មោះល្បីបំផុតនៅ Manchester United, Villarreal និង Atletico Madrid ។កីឡាករវ័យ៣៨ឆ្នាំលេងចុងក្រោយបំផុតនៅក្លឹប Mumbai City នៃលីកកំពូលឥណ្ឌាកាលពីឆ្នាំ២០១៦ប៉ុន្តែពេញមួយរដូវកាល២០១៧រូបគេអត់មានក្លឹបលេងនោះទេ។
ទោះបីជាយ៉ាងនេះក្ដី! ពេលនេះគាត់ត្រូវបានក្លឹប Kitchee នៅអាស៊ីមួយទៀតចុះកុងត្រាហើយកីឡាករម្នាក់នេះក៏ធ្លាប់ទៅលេងនៅក្លឹបលីកកំពូលជប៉ុន Cerezo Osaka ផងដែរ។
ក្នុងការចូលលេងឲ្យជម្រើសជាតិក្នុងរយៈពេល១៣ឆ្នាំ Forlan រកបាន៣៦គ្រាប់ក្នុង១១២ប្រកួតជួយឲ្យអ៊ុយរូហ្គាយឈ្នះពានCopa America កាលពីឆ្នាំ ២០១១និងបញ្ចប់លេខ៤ក្នុងពាន2010 World Cup។ ពេលនេះ Kitchee បានបញ្ជាក់ថា Forlanនឹងមកដល់ទីក្រុងហុងកុងនៅថ្ងៃទី១០មករា ហើយធ្វើសន្និសីទកាសែតជាផ្លូវការនៅថ្ងៃបន្ទាប់៕
