ការប្រកួតបើកឆាកលីគកំពូលកម្ពុជា Metfone Cambodian League ឆ្នាំ២០១៨សប្ដាហ៍ទី១ ក្រុមដែលលេងមុនគេបំផុតគឺម្ចាស់ផ្ទះអាស៊ីអឺរ៉ុបត្រូវបើកទ្វារកីឡដ្ឋានថ្មីរបស់ខ្លួន ត្រៀមទទួលភ្ញៀវម្ចាស់ការពារដំណែងជើងឯក បឹងកេតអេហ្វស៊ី។
ការប្រកួតនឹងត្រូវធ្វើឡើងនៅវេលាម៉ោង៣និង០០នាទីរសៀលក្នុងកីឡដ្ឋាន AEU Sport Park របស់ខ្លួន។ អ្វីដែលជាដំណឹងល្អដល់អ្នកគាំទ្រនោះ ការប្រកួតនេះក្លឹបមិនលក់សំបុត្រនោះទេ គឺក្លឹបលើកទឹកចិត្តឲ្យបងប្អូនអ្នកគាំទ្រចូលទស្សនាដោយសេរីតែម្ដង។
តែយ៉ាងណា ការប្រកួតនេះមិនមានការផ្សាយផ្ទាល់នោះទេ តែការអត់លក់សំបុត្រអាចជាលើកទឹកចិត្តមួយរបស់ក្លឹបផងដែរ។ ក្រៅពីគូខាងលើក្រុមភ្នំពេញក្រោន នឹងត្រូវទទួលភ្ញៀវក្រុមសូលទីឡូអង្គរក្នុងកីឡដ្ឋាន RSN របស់ខ្លួននៅវេលាម៉ោង៦ និង០០នាទីល្ងាច ថ្ងៃទី ០៣ មីនា ឆ្នាំ ២០១៨ ខណៈគូនេះប៉ុស្តិ៍ទូរទស្សន៍ BTV ធ្វើការផ្សាយផ្ទាល់។
ចំណែកនៅមួយគូទៀត គឺអគ្គស្នងការនគរបាលជាតិ និងត្រូវប្រកួតជាមួយ វេស្ទើនភ្នំពេញក្នុងពហុកីឡដ្ឋានជាតិម៉ោ ៣ និង០០នាទីរសៀល ដែលគូរនេះផ្សាយផ្ទាល់ ដោយគណៈកម្មការរៀបចំការប្រកួតបាល់ទាត់កម្ពុជា CNCC៕
ប្រភពរូបភាព៖ CNCC & ASIA EUROPE UNIVERSITY FC
